Christmas Bell Widget

Sunday, October 30, 2011

പെട്രോൾ

ശിലയിലൊരായിരം വർഷ-
മുറങ്ങികിടന്നൊരു ജൈവാംശ-
മൂറി പീല വെള്ളമായപ്പോഴതു
ജ്വലിക്കുന്ന പെട്രോൾ..

ഊഷരഭൂമിയിൽ മരുപച്ചതേടി
ഒട്ടകമോടിയ മണൽ വീഥിക്കടി-
യിലൊരു,പാടമതു മുഖം മാറ്റി
മണലിന്റെ കൂടുമാറ്റി ചില്ലിട്ട കൂട്ടിൽ
വട്ടിട്ട മുമ്പന്റെ പേരുമാറ്റി
അവനൊരു സുൽത്താൻ
മരുഭൂമി മാറി പണഭൂമിയായി.

സ്വർണ്ണ നിറമൊഴുകി വിശ്വം
നാലുകാലിലോടുന്ന വണ്ടിയിൽ
ചിലിട്ട കൂട്ടിൽ വിരലുകൾ
ഗ്രീഷമം ശിശിരമാക്കിയുച്ചത്തി-
ലാടി പ്പാടി പുതു നാമ്പുകൾ
സർവ്വം പെട്രോളിൻ മഹാമായയായി

പറക്കമുറ്റാത്ത പൈതലും
പറക്കുന്നതീ ഗരുഡനുമപ്പുറം
പാടവും പറമ്പും പച്ചപിടിച്ചതും
പകൽ പോലെ രാവിന്റെ
വസ്ത്രം മാറ്റികൊടുത്തതുമെ-
ല്ലാമെല്ലാമീ മഞ്ഞ ദ്രാവകം

വിലകൂടി വീപ്പകൾ വീര്യമായി
തലപോയി പല മന്ത്രിമാർ
തെരുവുകൾ അശാന്തിയായ്
കല്ലേറ്, തീവെപ്പ് , കറുത്തപുകയി-
ലൊളിച്ചതു പെട്രോൾ ബോംബിന്റെ
മരണ ഗന്ധമശാന്തിയുടെ പർവ്വം.

വെളുത്ത പരാന്നഭോജിയുടെ
കറുത്തനാട് വെളുത്തതു മണൽ-
ക്കാടിന്റെ എണ്ണയൂറ്റി...
തലപ്പാവ് പൊങ്ങിയ സുൽത്താന്റെ
നാട്ടിൽ സായിപ്പിൻ ക്ഷുദ്രപ്രയോഗം
നാടുപോയി നാട്ടാർ കൊലവിളിയായി
സുൽത്താന്മാർ രക്തസാക്ഷിയായ്..
എണ്ണനാട്ടിലെ ചെമെന്ന ചോരയിൽ
വഴുക്കാതെ പരാന്നഭോജികൾ...

പെണ്ണും മണ്ണും പൊന്നും ശത്രു-
വെന്നു പറഞ്ഞവർ തിരുത്തുക
കൂട്ടിവാ‍യിക്കുക ഈ മഞ്ഞദ്രാവകം...

1 comment:

  1. Vale vyathyasthamaayi..thonniyirunnu..innale ithu vaayichappol..orupakshe arum orkkathe pokunna oru vishayam..valare nannayi..ishtappettu..ashamsakal..shafi..

    ReplyDelete