Christmas Bell Widget

Wednesday, October 5, 2011

നക്ഷത്ര സുന്ദരി.....(ഒരു നക്ഷത്രം ധൂമകേതുവായത്)

ഒരിക്കൽ എനിക്കൊരു
പൊട്ടിയ ജാലകമുണ്ടായിരുന്നു

തുളവീണാ ചില്ലു വാതിലിലൂടെ
ഞാനൊരു താരകത്തെ കണ്ടു.
ക്ഷീരപദത്തിലെയാ സുമുഖിക്ക്
ഭൂമിയിലിറങ്ങിവന്നന്നെ
പ്രേമിക്കാൻ തെല്ലൊരാശ

ഒരു രാത്രി
ഒരു മഴത്തുള്ളിയിലൊളിച്ചൂർന്നാണ്
അവൾ വന്നത്.

ആയിരം വയസ്സിലും
പതിനെട്ടിന്റെ
നഗ്ന ഭംഗിയായിരുന്നവൾക്ക്
കണ്ണുകളിൽ വിളങ്ങിയ
ഇന്ദ്രനീലവും
ചുണ്ടിലെപനിനീർദളത്തിനെ
ചുവപ്പും
ആ രാത്രിയെന്നെ പ്രണയോന്മാദനാക്കി,

മഴത്തുള്ളി നനഞൊട്ടിയ നഗനമേനിയിൽ
എന്റെ വിയർപ്പിൻ തുള്ളികൾ
എന്റെ പ്രണയം പറഞ്ഞു.

ഞാനവളുടെ കാതിൽ മൊഴിഞ്ഞു
ഇതെന്റെ മുഴുവൻ പ്രണയമാണ്.

അവൾ കരഞ്ഞു
ഇന്നെന്റെ മരണമാണ്
ഞാൻ ശപിക്കപ്പെട്ടിരിക്കുന്നു
ഭൂമിലേക്ക് ഇറങ്ങി വന്നാലെനിക്കു
മരണമാണ് ശിക്ഷ.

നേരം പുലരും വരെ
ഞാനവൾക്കെന്റെ
പ്രണയം പറഞ്ഞു കൊടുത്തു
ഭൂമിയിലെ പ്രണയം.....

മഴത്തുള്ളികളപ്പോൾ
പ്രണയസംഗീതമിട്ടു.
പ്രണയാതുരതയായ
ഒരു കോകിലം എവിടെയോ കൂകി...

പുലരാനൊരു കാതമകലെ
അവൾ മാഞ്ഞു പോയി
എന്റെ മേനിയിൽ
ചുണ്ടിനാലെഴുതിയൊരുപേരുമാത്രം
ബാക്കിയായി

അനാമിക....

നീയില്ലാത്ത ക്ഷീരപദം
കാണാനെനിക്കു വയ്യ
ഞാനൊരു പുതിയ
ജാലകം വാങ്ങി.

1 comment:

  1. ആദ്യ കവിതയില്‍ നോക്കിയതാ.

    വരികളെ പറ്റി അധികം പറയാന്‍ അറിയാത്തത് കൊണ്ട് മിണ്ടാതിരിക്കുന്നു.

    അഭിവാദ്യങ്ങള്‍.

    ReplyDelete