Christmas Bell Widget

Tuesday, February 23, 2016

അരിയെത്ര പയറഞ്ഞാഴി...




കാണാതായവരെ
ചോദിച്ചു ചെന്നപ്പോൾ
അവർ പറഞ്ഞു

സിയാച്ചിനിലെന്തു തണുപ്പാണെന്ന്..

അകാരണമായി തടവിലിട്ടവരെ
ആരാഞ്ഞപ്പോൾ
അതിർത്ഥി കടന്നുപൊയ്ക്കൂടെയെന്ന്

അത്താഴം കഴിക്കുമ്പോൾ
മരിച്ചവരുടെ
പോസ്റ്റ് മോർട്ടം റിപ്പോർട്ട് ചോദിച്ചപ്പോൾ
അവർ പറഞ്ഞു

ആട്ടിറച്ചി ലാബിലാ‍ണെന്ന്

കറുത്തവന്റെ അവകാശങ്ങളെ കുറിച്ച്
വിവരാവകാശം തേടിയപ്പോൾ

അവരേത് രാജ്യക്കാരാണെന്ന്
മറുപടി കിട്ടി

സ്വാതന്ത്ര്യത്തെ കുറിച്ച്
പ്രസംഗിച്ച എലിയെപ്പേടിച്ച്
അവരിന്നലെ
സർവ്വകലാശാല ചുട്ടു.

മരിച്ചവരെകുറിച്ച്
അവരോടൊരിക്കലും
ചോദിച്ചുപോയേക്കരുത്

നിങ്ങളെ കുറിച്ചന്വേഷിച്ചുവരാൻ
നിങ്ങളല്ലാതെയാരും ബാക്കിയില്ലെന്ന്
പയറഞ്ഞാഴി പറയ

No comments:

Post a Comment