Christmas Bell Widget

Wednesday, February 22, 2012

അതിഥി ദേവോ ഭവ...

ഒരു തോക്കുമായി ഇന്ത്യയിൽ വരിക
കടലിലോ കരയിലോ വരാം
പകലോ രാത്രിയോ ആവാം..

നഗരത്തിലോ ഗ്രാമത്തിലോ
റെയിൽവേ സ്റ്റേഷനിലോ താജിലോ
താങ്കൾക്കിഷ്ടമുള്ള സ്ഥലം തിരഞ്ഞെടുക്കുക...

നഗരമാണെങ്കിൽ റെയില് വേ സ്റ്റേഷനാണു നല്ലത്
കടലാണെങ്കിൽ ബോട്ടിൽ തിളക്കണ-
മത്തികൊപ്പം ചോരതിളക്കുന്ന മുക്കുവനെ കിട്ടും.
ചോര ആവോളം ഞങ്ങളുടെ നാട്ടിലുണ്ട്..
ഇവിടെ വെള്ളത്തിന്റെ വിലയേ നിണത്തിനുള്ളൂ..

റെയില് വേ സ്റ്റേഷനിൽ തുരുതുരെ വെടിവെക്കണം
ഒറ്റവെടിവെച്ചുണ്ടതീർന്നാൽ
പാറാവുകാരൻ നിങ്ങളെ കൊല്ലും.

ചുറ്റുപാടും വെടിവെക്കുക
ആളുകൾ പരക്കം പായും
നിലത്തുവീണവർ പിടഞ്ഞു കാൽക്കലെത്തും
അവരുടെ തലച്ചോറ് നോക്കി വീണ്ടും വെക്കുക
വെടിച്ചോറ് പുറത്തു വരട്ടെ..!!

ചെറുക്കുന്ന, ചോരക്കൂറുള്ള സൈനികൻ
നിന്റെ തലപൊട്ടിച്ചെടുത്തില്ലെങ്കിൽ
താങ്കൾ സുക്യതം ചെയ്തിരിക്കുന്നു.

സലാം പറഞ്ഞ് കീഴടങ്ങുക
പിന്നെയൊന്നും മൊഴിയരുത്
ആംഗലേയം സംസാരിക്കരുത്
താങ്കൾ ഇനി വായതുറക്കുന്നത് വരെ
ഇന്ത്യയുടെ അതിഥിയാണ്..

അഥവാ താങ്കൾ ദേവനാണ്...!!

കടലിലിൽ ഉന്നം കിട്ടാതെയലയുകയാണോ?
അവിടെ ചില പൊന്തുകൾ കാണാം.
നിങ്ങൾ പൊന്തിന്റെ ചെമ്പരത്തി നോക്കി വെക്കണം
ചെമ്പരത്തി വിരിഞ്ഞ് ചിലപ്പോൾ
മനുഷ്യൻ അലറുന്നതു പോലെ അലറിയേക്കാം..
പേടിക്കേണ്ട അവർ ചെമ്പരത്തി തന്നെയാണ്
അന്താരാഷ്ട്ര കപ്പലതിർത്തിയിൽ ഞങ്ങൾ
ചെമ്പരത്തികൾ നടാറുണ്ട്..

ഇനി വേഗം ഓടിച്ചു പോകുക..
വേഗം കുറഞ്ഞാൽ താലങ്ങളേന്തി
ഞങ്ങൾ നിങ്ങളെ സ്വീകരിക്കാൻ വരും

അപ്പോൾ നിങ്ങൾ മൌനം പാലിക്കുക
നിങ്ങളുടെ മൌനം ഞങ്ങളുടെ
ദൈവങ്ങൾ തർജമ ചെയ്തുതരും...

ഇതു ദൈവത്തിന്റെ സ്വന്തം നാടാണ്
നിങ്ങൾ മൂന്നു കോടി മുപ്പത് ലക്ഷം
ദൈവങ്ങളുടെ അതിഥികളാണ്...

3 comments:

  1. Nammude Bharatham...!

    Manoharam, Ashamsakal...!!!

    ReplyDelete
  2. ഇതു ദൈവത്തിന്റെ സ്വന്തം നാടാണ്
    നിങ്ങൾ മൂന്നു കോടി മുപ്പത് ലക്ഷം
    ദൈവങ്ങളുടെ അതിഥികളാണ്.....I Love My India:)
    nalla varikal super.......keep it up
    ellaavitha aashamsakalum

    ReplyDelete
  3. ഇതു ദൈവത്തിന്റെ സ്വന്തം നാടാണ്
    നിങ്ങൾ മൂന്നു കോടി മുപ്പത് ലക്ഷം
    ദൈവങ്ങളുടെ അതിഥികളാണ്..
    ഇത്രയെങ്കിലും പറയാതിരിക്കുന്നതെങ്ങനെ?

    ReplyDelete