കടംകൊണ്ട പ്രണയം
കടത്തിൽ മുങ്ങി
ആഴിയിലേക്കൂളിയിട്ടപ്പോൾ
പ്രണയം ആയാൾക്കു
ഇനിയും വീട്ടി തീർക്കാത്ത
ഹിസാബ് ബുക്കിലെ ഒരേടായിരുന്നു.
പ്രവാസ പ്രണയം
ഫ്ലാറ്റിന്റെ മൂലയിൽ
ഒരു വ്യാഴവട്ടത്തിൽ
ഇണചേർന്ന പ്രാവുകൾ
അയാൾക്കു പ്രണയം
ഇനിയുമൊന്നുശരിക്കു
ഇണചേരാനാകാത്തതിന്റെ വിങ്ങലായിരുന്നു.
നഷ്ട പ്രണയം..
ഒരു കറുത്ത പെണ്ണിനെ പ്രേമിച്ചു
ആ കറുത്ത ഹ്യദയത്തിലും
തൂവെള്ള മിന്നൽ കണ്ടു,
ചെറിമരങ്ങൾ പൂക്കുന്ന കാലത്തേക്ക്
മാടി വിളിച്ചപ്പോൾ
അവൾ പറഞ്ഞു...
മിസ്സ് യു ടാ......
ആ കറുത്ത ഹ്യദയം കടമെടുത്ത്
അവനും കറുപ്പായി.....
(ഹിസാബ് ബുക്ക് : കണക്കു ബുക്ക്)
No comments:
Post a Comment